歐國盃：疲英難破瑞典
2012/06/15文:蘇豪
歐國盃D組名牌球隊英格蘭分組賽第二輪硬撼剋星瑞典，英軍今屆以波蘭克拉科夫為大本營，每戰都要飛足一輪先抵達戰地，今次去基輔又要飛超過800公里，遊完飛機河唔攰就假！英軍首戰用龜縮踢法守得一分，進攻完全唔掂，何德何能學人讓波？捧瑞典「讓球主勝」！
英格蘭於克拉科夫大本營入住五星級酒店，訓練場大執後無論設施同環境都唔差，衰在地點曳呢！今屆D組賽事全部安排喺烏克蘭舉行，英格蘭同組對手均於當地駐紮，零零舍舍得英軍於波蘭備戰，搞到場場都好似作客咁，上次飛咗接近1,500公里去頓涅茨克鬥法國，賽後返克拉科夫冇耐，又要飛超過800公里去基輔備戰，雖然機程只需個零鐘，但相比起對手以逸待勞，橫計掂計都蝕底啲！
朗尼停賽欠強攻本錢
英格蘭缺少王牌前鋒朗尼後淪為防守型球隊，上次鬥法國喺超過三十度高溫下以「車路士式」亡命奔跑堅守搶到一分，後防表現幾近無懈可擊，但進攻發揮甚曳，只憑守將尼史葛於死球取得士哥，其餘時間威脅不大。英軍前線韋碧克、艾舒利楊格及阿歷士張伯倫等勤力有餘，作用無多，今戰主帥鶴臣話會搶攻，但大軍續有朗尼停賽，欠缺強攻本錢，就算試用安祖卡路爾強行爆破，優勢亦唔大。
瑞典有火踢爭氣波
瑞典首仗被烏克蘭軍刀舒夫真高K.O.，主帥咸雲賽後發爛渣痛斥球員陣上畏首畏尾有如懦夫，去得咁盡，擺明想用激將法刺激士氣，賽後盛傳射手伊巴謙莫域同隊友發生衝突，將士出現摩擦，證明班波有火，未必屬壞事。經過上場輸波蒙羞，瑞典眾將定必決心打爭氣波，球隊近六次對英軍只輸一場，雙方於02年及06年世盃碰頭同樣打和，今仗擺明只屬五五波，瑞典體能仲佔上風，受讓必捧！
另外，英格蘭首仗對法國捱打，全場開出15個角球，英軍佔4個，今戰料會踢得較為主動，大軍側擊力唔弱，可兼顧角球大。
标签：
高频彩联盟
