[东方日报]卡爾馬「-1」打爆基

卡爾馬「-1」打爆基
2012/07/12文:ComboKing

今晚有三場歐霸盃第一圈次回合賽事開盤，其中瑞典卡爾馬主場鬥北愛爾蘭基福維利，主隊力足大勝。首回合爆大冷輸○比一，卡爾馬被笑到面黃，雖然目前傷兵唔少，但卡軍無論實力經驗均遠勝對手，加上基福維利以往參加歐戰落敗率高達七成五，阿King捧「讓球主勝」！

無可否認，卡爾馬本季表現不濟，目前排於瑞典超級聯賽下游，但球隊整體實力唔曳，其中尼日利亞前鋒達奧達，本季已取得六個聯賽入球，而中場伊斯列臣亦有卡士。事實上瑞典超之級數遠高於北愛超，而之前幾屆，卡爾馬都輕鬆躋身歐霸次圈，故有理由相信卡軍首回合失利，只係一時輕敵。

古比斯唔怕拉尼利
基福維利以往廿次踢歐戰，錄2勝3和15負劣績，絕對稱得上魚腩部隊，今場主隊贏兩粒係基本消費。

另一場拉尼利主場鬥古比斯，威爾斯球隊拉尼利狀態不足，反觀芬蘭古比斯愈踢愈有，捧客勝。而冰島韋斯特曼納耶主場對愛爾蘭聖巴特里，去屆歐霸盃相遇兩回合都由主隊勝出，韋軍可憑地利收復首回合失地。