利巴域「-1」晒卡士
2012/07/17文:ComboKing
今日開盤賽事唔多，全屬歐聯外圍賽第二圈首回合，阿King睇中利巴域主場迎戰卡拉簡迪之役，主隊貴為捷克冠軍，實力毋庸置疑，面對哈薩克球隊卡拉簡迪讓「-1」可謂游刃有餘，「讓球主勝」有買趁早。
傳統上，捷克甲組聯賽係由布拉格斯巴達同布拉格斯拉維亞壟斷，不過呢個局面近年有所轉變，繼前季嘅柏辛域陀尼亞後，上季聯賽冠軍則落入利巴域手中。利巴域為咗踢歐聯做足準備工夫，不但提前開操，仲已經拍跳三場熱身賽取得全勝，球員狀態已谷起。
卡拉簡迪差幾班
今場利巴域對手只係哈薩克球隊卡拉簡迪，捷克足球水平高哈薩克何止兩班，喺主場出戰仲唔趁地利數得就數咩？預計利巴域今仗會如獅子搏兔般撳住嚟攻，希望於首回合奠定出線資格，「讓球主勝」屬是日首選。
另外，芬蘭球隊赫爾辛基狀態雖然麻麻，但遇到不設防嘅冰島球隊雷克雅維克，隨時合演入球騷，呢場捧大。經歐國盃小休後，瑞典嘅希爾星堡重拾信心，料可輕取主場嘅威爾斯球隊新聖徒，「讓球客勝」冇難度。
标签：
高频彩联盟
