安治攞錢掟漢維特
2012/07/19文:Mic少
歐霸盃外圍賽第二圈首回合，最值得留意必數俄羅斯富豪球會安治主場對匈牙利球隊漢維特，安治堪稱「俄國曼城」，由荷蘭名帥希丁克執教，仲有伊度奧及前車路士中場施哥夫助陣，人腳卡士十足。呢類「暴發戶」不計成本，只求攞威，必定盡力搏殺，捧「讓球主勝」。
安治上年初被俄羅斯礦業大亨克里莫夫收購後，不計成本引入多位球星，包括巴西左腳王卡路士、喀麥隆射手伊度奧及俄羅斯國腳施哥夫等。伊度奧更係當今最高薪足球員，而卡路士掛靴後，亦獲挽留做管理層，今年二月仲請埋希丁克執教，可見克里莫夫好大決心，要將安治打造成勁旅。
克里莫夫投入巨額金錢，無非都係想學同胞車仔班主阿布拉莫域，揚威歐洲，會方非常重視今屆歐霸盃成績，球隊上下肯定特別落力，就算今場比賽要移師莫斯科嘅拉緬斯科耶土星球場舉行，影響亦唔大。
至於漢維特上圈已經蒲頭，淘汰阿爾巴尼亞球隊法拿莫達利，兩回合都係小勝，缺乏說服力，今仗作客人腳鼎盛嘅安治，難再逞強。
川迪夠炒國際杜古
另外，荷蘭強隊川迪上圈兩回合合計，大勝對手九比○，表現超班，今仗主場對芬蘭球隊國際杜古，有力再大勝一仗，要「讓球主勝」。波斯尼亞球隊薩拉熱窩上圈兩回合，同樣攻入九球，但防線較差，亦失咗六球，踢法有前冇後，今場作客保加利亞球隊索菲亞利夫斯基，捧入球大。
歐霸盃推介
安治 讓球主勝
索菲亞利夫斯基 大
川迪 讓球主勝
标签：
高频彩联盟
