[东方日报]白帽硬淨唔怕地震

白帽硬淨唔怕地震
2012/07/22文:Combo King

周一早上美職進行獨腳戲，由溫哥華白帽主場對聖荷西地震。今季聖荷西地震喺聯賽表現良好，亦係首支得球數字突破四十大關嘅球隊。不過今次面對加國實力最強球隊溫哥華白帽，地震要攞晒三分有多少難度，結合兩隊質素及主客場條件，阿King今場推介和波。

白帽近兩次主場先後面對紐約紅牛及洛杉磯銀河，縱然兩支都係名牌球隊，但白帽踢落絕對唔失禮，兩場都成功搶得一分，今次面對前列球隊地震，白帽又可發揮「打老虎」本色，與客隊抗衡到底。地震雖然實力唔錯，近況亦唔差，但以往作客溫哥華都交唔出好表現，今場贏波有難度，既然和波賠率有3.2倍唔算低值得一試。

卡爾馬受讓執到「堡」
瑞典超方面，艾夫斯堡主場對卡爾馬，「讓球客勝」可留意。艾夫斯堡將於周中出戰歐霸盃外圍賽，今場未必會去得太盡，間接令卡爾馬有機可乘。至於AIK蘇納主場對阿維達貝治，同樣揀「讓球客勝」。AIK蘇納本月曾與阿維達貝治交手，當時AIK蘇納就輸○比二，考慮到AIK有歐霸盃後顧，今場復仇機會唔高，讓波捧對家。