今晚其他四場女足，其中E組喀麥隆對巴西，以及F組哥倫比亞對北韓，都值得推介。

巴西女足實力強勁唔使多講，佢哋仍有女球王瑪達助陣，再次成為奪金熱門都好正常，首場分組賽只對女足水平偏低嘅喀麥隆，巴西隨時會大炒對手，大盤值得意。而哥倫比亞對北韓就捧細盤。雙方曾於2011年女子世界盃碰頭，當時打和○比○，大家戰術上未必會有會太大改變，打法謹慎之下利好細盤。